שטייט א בוים אין מיטן וועג
מיט די צווייגן ארויסגעשטעקט
און א בלעטעלע רייסט זיך אפּ
און עס פאלט אראפּ
גייט א צדיק אויפן וועג
און די בלעטעלע גיט א פרעג
פארוואס ביסטו פון בוים אוועק
און ליגסט אין מיטן וועג
זאגט די בלעטעלע איך ווייס נישט וואס
איך בין נישט דער בעלעבאס
מיין צווייג האט פלוצלינג זיך צעבלאזט
און איך האב געבלאזט
צווייגל צווייגעלע בעלעבאס
אפשר זאגסטו מיר פארוואס
דו האסט פלוצלינג זיך צעוויגט
און די בלעטל אראפגעפליגט
זאגט די צווייגעלע איך ווייס נישט וואס
איך בין נישט דער בעלעבאס
דער ווינט האט פלוצלינג זיך צעבלאזט
און די בלעטל אראפגעלאזט
זאגט דער ווינט איך ווייס נישט וואס
איך בין נישט דער בעלעבאס
מיין מלאך האט מיר ארויסגעלאזט
און איך האב געבלאזט
מלאך מלאכ'ל בעלעבאס
אפשר זאגסטו מיר פארוואס
דו האסט דער ווינט ארויסגעלאזט
און ער האט געבלאזט
זאגט דער מלאך איך ווייס נישט וואס
איך בין נישט דער בעלעבאס
דער בעשעפער פון דער וועלט
האט מיר אזוי באפעלט
בעשעפער גרויסער בעלעבאס
אפשר זאגסטו מיר פארוואס
א קליינע בלעטעלע רייסט זיך אפּ
און עס פאלט אראפּ
און דער בעשעפער ער אליין
גיט דעם צדיק צו פארשטיין
הויב די בלעטעטלע אויף פון ארט
און א קוק גיב דארט
דארט ליגט א ווערימל דאר און קליין
האט נישט קיינעם גאנץ אליין
האט ער געבעטן באשעפער באשיץ
איך האלט נישט אויס די היץ
האב איך דעם מלאך גלייך געזאגט
הא ער דעם ווינט ארויסגעיאגט
האט ער די צווייגעלע צובלאזט
און די בלעטל אראפגעלאזט
מיטן ווערימל אויפן פעלד
און פאר אים די זון פארשטעלט
און דער קליינער ווערימל איז
איינגעשלאפן זיס.
ר' יום טוב עהרליך
Full Version: Not A Leaf Falls By Happenstance
You typed that?
QUOTE (existwhere? @ Jan 29 2008, 09:59 PM) 
You typed that?
QUOTE (Xi @ Jan 29 2008, 10:02 PM)
Nothing like Yiddish Wikipedia... that's all they could come up with with for R' Ehrlich?!
This is a "lo-fi" version of our main content. To view the full version with more information, formatting and images, please click here.